anaking murid bapak jeung ibu
katampi sungkem hormat hidep kasep, geulis
tong melang tong salempang
sadaya lepat hidep tos lubar cupar dihampura
ku ibu miwah kubapak
jung nangtung kamanggung
mugia apanjang apunjung
geura teuleuman elmu panemu
sing kapanggih mutiara bagja
ngajul bentang lain kuasiwung
tapi ku elmu anu linuhung
kiwari nitih wanci nu mustari,
ayeuna datang mangsana
geus tamat lalakon hidep
nyiar elmu di ie sakola
bral, geura miang kasep, geulis