Alhamdulillah robbil ‘alamin washolatu wassalaamu ‘alaa asyrofil anbiyai wal mursalin sayyidina wamaulana muhammadin wa’ala alihi wa shohbihi ajma’in, amma ba’du
Langkung tipayun hayu urang panjatkeun puji sinareng syukur ka hadirat Allah SWT. Kusabab limpahan rahmat, taufiq sareng hidayah-Na ka urang sadaya, sahingga dina dinten nu pinuh ku kaberkahan urang sadaya tiasa riung mungpulung dina raraga mieling Isra Mi'raj Nabi Muhammad SAW dina kaayaan sehat wal'afiat.
Baca Juga: Isra Misraj 2023 Tanggal Berapa? Amalkan Doa Singkat Ini Jelang Peristiwa Besar di Bulan Rajab
Kadua, shalawat sinareng salam salamina dilimpahkeun ka jungjunan urang sadaya Nabi Muhammad SAW anu parantos maparin pituduh ka urang tina jalan anu poek nuju jalan anu terang, nyaeta dinul islam.
Ka kulawargina, ka para sohabatna, ka para tabiin sareng tabiatna, tur mugia dugi ka urang sadaya salaku umatna.
Para tamu anu dipikahormat,
Dina kasempetan ieu simkuring kaoapancénan tugas janten panyatur acara atanapi MC, ku kituna dina kasempetan ieu simkuring nyuhunkeun widi kanggo medarkeun susunan acara Isra Miraj:
1. Bubuka
2. Ngaoskeun ayat suci Al-quran
3. Sambutan-sambutan
4. Acara Inti
5. Pengumuman juara lomba
6. Hiburan Islami
7 Doa jeung nutup
Supados teu nyangkolang teuing kana waktos, hayu urang buka ieu acara Isra Miraj ku ngucap basmalah sasarengan, Bismillahirrahmanirrahim...